“ნამდვილად იყო მცდელობა, რომ აქციები ძალადობრივ სცენარში გადასულიყო” – არჩილ თალაკვაძე

საქართველოს პარლამენტის თავმჯდომარის მოადგილე, არჩილ თალაკვაძე ჟურნალისტებთან კომენტარს აკეთებს იმასთან დაკავშირებით, თუ რატომ გახდა საჭირო პარლამენტში უსაფრთხოების წითელი დონის გამოცხადება:

,,უსაფრთხოების მაღალი დონის გამოცხადება გამოიწვია პარლამენტზე ძალადობრივმა შეტევამ. ეს არის ერთ-ერთი აშკარა მტკიცებულება და არგუმენტი იმისა, რომ გუშინ ნამდვილად იყო მცდელობა, რომ აქციები ძალადობრივ სცენარში გადასულიყო.

რაც შეეხება პოლიტიკურ უმცირესობას, რადიკალურ ოპოზიციას, კარგია, რომ ნაძალადევი ხუმრობის ხასიათზე არიან.

ეს, რა თქმა უნდა, არის იაფფასიანი სპეკულაცია. სხდომები განახლდება, როდესაც დღესასწაულები ჩაივლის და ვნახავთ იქ, ვის რისი ეშინია!”, – განაცხადა არჩილ თალაკვაძემ.

ინფორმაციისთვის: ოპოზიციამ მწვავედ გააკრიტიკა პარლამენტში უსაფრთხოების წითელი დონის გამოცხადება და აღინიშნა, რომ მმართველმა პარტიამ შიშების გამო მიიღო ეს გადაწყვეტილება.

ავტორი
ნინი ხიჯაკაძე