,,გამარჯვების კოალიციის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე ევროპარლამენტის მიერ მიღებული რეზოლუციისა და აშშ-ს 14 სენატორის წერილთან დაკავშირებით შეფასებებსა და განმარტებებს აკეთებს:
,,სამწუხაროდ ცხადი ხდება რუსული კანონის მთავარი მიზანი. მიზანია ბოლომდე გააფუჭოს ურთიერთობები ჩვენს დასავლელ პარტნიორებთან და აიძულოს ისინი, რომ გაწყვიტონ ურთიერთობები საქართველოსთან.
მე ხელში მიჭირავს 2 დოკუმენტი: ერთი არის 14 ამერიკელი სენატორის მიერ ხელმოწერილი წერილი, რომელიც გუშინ გავრცელდა, სადაც ღიად საუბრობენ სანქციებზე იმ პირებთან მიმართებაში, ვინც პირველ რიგში, ამ ანტიქართულ საქმეს ეწევა, ხოლო მეორე არის ევროპარლამენტის რეზოლუცია, რომელიც საუბრობს ევროინტეგრაციის პროცესის შეჩერებაზე და საქართველოსთან უვიზო მიმოსვლის გაუქმებაზე.
მეგობრებო, აი ამ ორი ქმედების ერთდროულად ამოქმედების შემთხვევაში საქართველოს უბრალოდ ეკონომიკური განადგურება ემუქრება და აი ამ საფრთხის წინაშე აყენებს დღეს ,,ქართული ოცნება’’. მიზანი რუსული კანონის არის სწორედ ეს, მაგრამ მე მინდა პირველ რიგში, ჩვენ დასავლელ პარტნიორებს მივმართო: არ არის ქართველი ხალხის არჩევანი ის, რასაც ახლა აკეთებს ,,ქართული ოცნება’’, ეს არაერთხელ დადასტურდა მრავალათასიან მიტინგზე და აუცილებლად დადასტურდება 28 აპრილს 7 საათზე, სადაც ყველა უნდა შევიკრიბოთ რუსთაველზე და მომავალშიც.
რაც შეეხება ჩვენს ქმედებას,: ჩვენ ყველაფერს გავაკეთებთ იმისთვის, რომ ეს არ მოხდეს; ჩვენ ყველაფერს გავაკეთებთ იმისთვის, რომ საქართველომ ეს უმძიმესი რეალობა გადაიტანოს, რაც შეიძლება ნაკლები დანაკარგით. დანაკარგები უკვე გვაქვს, ჩვენს იმიჯს უკვე ძალიან სერიოზული დარტყმა მიაყენა ,,ქართულმა ოცნებამ’’ ივანიშვილის თაოსნობით. მაგრამ ჩვენ ისე როგორც არასდროს უნდა ვიყოთ ერთიანები, რომ გადავტეხოთ, რომ ჩვენი უბრალოდ გაკოტრება, ეკონომიკის ჩამოშლა და ჩამონგრევა, საქართველოს იზოლაცია ავირიდოთ თავიდან.
კიდევ ერთხელ მივმართავ ,,ქართული ოცნების’’ დეპუტატებს, – რასაც არ უნდა გავალებდეთ ივანიშვილი, იცოდეთ რომ თითოეული თქვენგანი პასუხისმგებელი ხართ ქვეყნის, ერის და თქვენი სამშობლოს წინაშე, თქვენი ოჯახების და თქვენი შვილების წინაშე. დაფიქრდით, რას აკეთებთ!
მივმართავ საჯარო მოხელეებს, პოლიციელებს, ყველა იმ ადამიანს, რომელზეც ყოველდღიურად ძალიან დიდი წნეხია. მეგობრებო, ჩვენი ერთად დგომის შემთხვევაში, თქვენი ქართველ ხალხთან დგომის შემთხვევაში ძალიან სწრაფად შეგვვიძლია ეს ყველაფერი მოვაგვაროთ. წარმოუდგენელია დავუშვათ პრეცენდენტი, რომ საქართველო მოექცეს იზოლაციაში და კიდევ ერთხელ ვამბობ რუსული კანონი სწორედ ამას ისახავს მიზნად, რამენაირად გააფუჭოს ურთიერთობა დასავლეთთან და პროვოცირება გაუკეთოს იმ ნაბიჯებს, რაზეც არის ახლა საუბარი აშშ-ში თუ ევროკავშირის მასშტაბით.
ჩვენ კიდევ ერთხელ ვამბობთ, ყველაფერს გავაკეთებთ იმისთვის, რომ ეს არ მოხდეს და რაც შეიძლება ნაკლები დანაკარგით გადავიტანოთ ეს ყველაფერი.
მჯერა, რომ ჩვენი ერთიანობით საქართველო ახლო მომავალში გახდება ევროკავშირის სრულულებიანი წევრი და ამ უბედურებას, რაც დღეს ხდება ქვეყანაში გავიხსენებთ როგორც უმძიმეს წარსულს, რომ მომავალში არასდრის აღარ განმეორდეს მსგავსი საბოტაჟი საქართველოს ეროვნული ინტერესების’’, – განაცხადა გიორგი ვაშაძემ.
ავტორი
მარიამ ხაჩირაშვილი
