7-9 მარტის საპროტესტო აქციების მონაწილის, ლაზარე გრიგორიადისის დედა, თამთა კალანდაძე სააგენტო ,,პარალელთან” ემოციურ კომენტარს აკეთებს შვილის სასამართლო პროცესთან დაკავშირებით:
-
რა მოლოდინები გაქვთ სასამართლო პროცესთან დაკავშირებით? გამამტყუნებელი განაჩენის შემთხვევაში, როგორც ცნობილია აპირებთ შეწყალების თხოვნით მიმართოთ სალომე ზურაბიშვილს, როგორია ლაზარეს პოზიცია ამ თემასთან დაკავშირებით?
– ლაზარეს მოლოდინი აქვს, რომ მას გაამტყუნებენ, მე ამ ბოლო პერიოდში ცოტა ეჭვი შევიტანე ამაში, შეიძლება გაამართლონთქო დავუშვი ასეთი ფაქტიც.
სალომე ზურაბიშვილს თავისთავად ვაპირებთ მივმართოთ, დადგება განაჩენი თუ არა მერე ჩვენ აუცილებლად მივმართავთ ქალბატონ პრეზიდენტს.
ინფორმაციისთვის: დღეს, 28 მარტს ჩანიშნული იყო ლაზარე გრიგორიადისის დასკვნითი სასამართლო პროცესი, რომელიც გადაიდო. პროცესს ლაზარე დისტანციურ რეჟიმში ესწრებოდა, რის გამოც მოსამართლემ უარი განაცხადა ლაზარეს დასკვნითი სიტყვის მოსმენაზე და განმარტა, რომ მას არ აქვს ჯანმრთელობის პრობლემა და მხარეები უნდა გამოცხადნენ სხდომაზე.
პროცესი 8 აპრილს 15:00 საათზე ჩაინიშნა.
ავტორი
მარიამ ხაჩირაშვილი
