“და რა მოხდება ამ გამარჯვების შემდეგ – გამარჯვებაში კი საერთოდ არ მეპარება ეჭვი” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი პოლიტიკურ შეფასებას აკეთებს 2024 წლის საპარლამენტო არჩევნებთან დაკავშირებით:

,,მე ძალიან ვშიშობ, რომ თუ ასე გაგრძელდა, პატარა პარტიები ვერ გადალახავენ 5%-იან ბარიერს. ეს იქნება პრობლემატური, მათ შორის, მთლიანად ოპოზიციისთვის და ქვეყნისთვის.

ეს საფრთხე არის ძალიან რეალური, ამიტომ „ნაციონალურ მოძრაობას“ – „გამარჯვების პლატფორმას“ მოუწევს ერთპიროვნულად გამარჯვება. და რა მოხდება ამ გამარჯვების შემდეგ. გამარჯვებაში კი საერთოდ არ მეპარება ეჭვი:

• პირველი კანონი, რომელსაც ჩვენ მივიღებთ, ეს იქნება საპენსიო შესხების განულების შესახებ;

• მეორე კანონი იქნება ის, რომ გავამარტივოთ ქართველების უკან დაბრუნება;

• მესამე კანონო იქნება ბიზნესსტიმულირების ფონდის შექმნა, რომ ჩვენ შევქმნით პირობებს, რომ შეიქმნას მცირე ბიზნესები, რათა ქართველები აღარ წავიდნენ საქართველოდან, ხოლო ვინც წასულია ის დაბრუნდეს. ადამიანებს ჰქონდეთ 2000, 3000, 5000 ათასი ლარი სქონდეთ შემოსავალი;

• მეოთხე კანონი იქნება, რომ არ იყოს გადახურდავებები, სპეკულაციები, ხალხი აგზავნის ფულს და ყველა ვალუტა უნდა იქნას გამოყენებული.

ახლა გლეხები თავისი მიწების ნაცვლად მუშაობენ სხვის მიწებზე და შემდეგი კანონი იქნება ის, რომ სახელმწიფო მიწა გადავა კერძო საკუთრებაში, გლეხებს ექნებათ მათი გამოსყიდვის შეღავათიანი პირობები, ნულ პროცენტზე დავა აგრარული სესხების პროცენტი და ეს არის ძალიან მნიშვნელოვანი.

შემდეგი კანონი, ეს იქნება ამნისტია და იგი სააკაშვილისთვის არ კეთდება…”, – განაცხადა მიხეილ სააკაშვილმა.

ავტორი
ნინი ხიჯაკაძე