,,ერთიანი ნაციონალური მოძრაობის’’ პოლიტიკური საბჭოს წევრი ლაშა ფარულავა სოციალურ ქსელში გამოქვეყნებულ პოსტში დეტალურ შეფასებებს და განმარტებებს აკეთებს ქვეყანაში გაზრდილი ფასებისა და მიგრაციის შესახებ:
,,საქართველო ქართველებისგან იცლება!
ჩვენი თანამოქალაქეები გაურბიან მაღალ ფასებსა და დაბალ ხელფასებს, მათ უბრალოდ არ აქვთ შესაძლებლობა საბანკო ოლიგარქიის პირობებში დარჩნენ ქვეყანაში.
ბიძინა ივანიშვილის მმართველობას 800 ათასი ქართველი უკვე გაექცა, მათ ელემენტარული სარჩოს მოსაპოვებლად თავი ამერიკასა და ევროკავშირის ქვეყნებს შეაფარეს.
ეს ხდება იმიტომ, რომ ღარიბაშვილი-კობახიძის პარტიის უმრავლესობა მუშაობს ივანიშვილის ჯგუფის სასარგებლოდ.
მთელი სახელისუფლებო ბერკეტები გამოყენებულია ოლიგოპოლიური, კორუფციული და კლანური სქემების გასაძლიერებლად, რისი ანარეკლი საკვები პროდუქციის მაღალი ფასები და ინფლაციაა, რაც აღარიბებს მოსახლეობას.
შემოდგომის არჩევნებზე შეგვიძლია ეს პარადიგმა ამოვატრიალოთ, რა თქმა უნდა თუ ეკონომიკას ავამუშავებთ ყველასთვის, ჩვენი თანამოქალაქეები შეძლებენ სახლში დაბრუნებას.
ჩვენ ერთად შეგვიძლია ამის გაკეთება, საქართველო გაიმარჯვებს!“-განაცხადა ლაშა ფარულავამ.
ავტორი
მარიამ ხაჩირაშვილი
