“საქართველო არ არის ექსპერიმენტებისთვის ლაბორატორია” – შალვა პაპუაშვილი

საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარს აკეთებს საპარლამენტო უმრავლესობის მიერ საარჩევნო კოდექსში შეტანილ ცვლილებებზე პრეზიდენტის ვეტოსთან დაკავშირებით, ასევე ვენეციის კომისიის რეკომენდაციებზე და ოპოზიციის მიმართ კონკრეტული ბრალდებით გამოდის:

,,უპირველეს ყოვლისა, რაც შეეხება ვეტოს, ეს არის ნაწილი იმ თავდასხმისა, რომელიც ხორციელდება არა უბრალოდ ცესკოს თავმჯდომარეზე ან ცესკოზე, ეს არის თავდასხმა საპარლამენტო არჩევნებზე. ეს არის მომზადება ნიადაგისა იმისთვის, რომ ტრადიციულად “ნაციონალურმა მოძრაობამ” და მისმა კლონებმა არ აღიარონ არჩევნები.

ვხედავთ ჩვენ, რომ ამაში ჩართული არის ოპოზიცია, ჩართულია სალომე ზურაბიშვილი, რამდენიმე არასამთავრობო ორგანიზაცია და მათ შორის რამდენიმე უცხოელი აქტორი.

საქართველო არ არის ექსპერიმენტებისთვის ლაბორატორია. ყველა, ვისაც უნდა, ახლა რომ ჩვენ აქ ვიყოთ საცდელი ცხოველის რანგში, ბოდიში მოგვითხოვია ჯერ თავის ქვეყანაში დაამკვიდრონ ეს კონსენსუსები.

რატომ გვაყენებენ ისეთ სიტუაციაში, როდესაც წინსწრებით მოხდება დისკრედიტირება არჩევნების’’, – განახადა შალვა პაპუაშვილმა.

ავტორი
მარიამ ხაჩირაშვილი