,,მთავარი არხის’’ დამფუძნებელი, ნიკა გვარამია ჟურნალისტებთან კომენტარში საუბრობს საქართველოს პრეზიდეტის მიერ ოპოზიციის მიმართ გაჟღერებულ კონკრეტულ შეთავაზებებზე და ამასთან აღნიშნა, თუ რა საკითხი იქნება მისთვის პრიორიტეტული პრეზიდენტთან შეხვედრისას და საუბრისას:
,,სრულიად ვიზიარებ ამ მოწოდებას და მგონია, რომ ეს არის არათუ მთავარი გამოსავალი, ჩემი აზრით, ეს არის ერთადერთი გამოსავალი.
ჩემთვის უკვე ნებისმიერი ფორმატი არის მისაღები და საჭირო, რომელიც ემსახურება გაერთიანებას, კონსოლიდაციას ძალების იმისთვის, რომ შეიცვალოს ხელისუფლება, რომელიც დღეს გვყავს.
მაგრამ, ნებისმიერ შემთხვევაში, მე სალომე ზურაბიშვილთან როცა მივალ, აუცილებლად მიხეილ სააკაშვილის შეწყალებაზე დაველაპარაკები, ეგ არის გამორიცხული, რომ ეს თემა არ იყოს განხილვის საგანი’’, – განაცხადა ნიკა გვარამიამ.
ინფორმაციისთვის: სალომე ზურაბიშვილმა, პარლამენტში სიტყვით გამოსვლისას ოპოზიციასაც მიმართა და შესთავაზა, რომ “უნდა შეძლოთ ქვეყნისთვის მთავარ პრიორიტეტებზე შეჯერება. საზოგადოებას უნდა აჩვენოთ, რომ ამ ევროპული მიზნის ირგვლივ მაინც შეგიძლიათ ერთად საუბარი, მუშაობა და შედეგის მიღწევა“.
ავტორი
მარიამ ხაჩირაშვილი
