პარტია ,,ერთიანი ნაციონალური მოძრაობის’’ თავმჯდომარე, ლევან ხაბეიშვილი ჟურნალისტებთან კომენტარს აკეთებს ლიდერობის ინსტიტუტის საერთაშორისო პროგრამების დირექტორთან, სტრატეგიებისა და კომუნიკაციების ექსპერტ რონ ნერინგთან მიმდინარე სამუშაო შეხვედრების მნიშვნელობის თაობაზე:
,,სტრატეგიული კომუნიკაციები და კამპანიის მართვა – ამ თემასთან დაკავშირებით ჩვენს ამერიკელ პარტნიორებთან ერთად გვექნება სამუშაო შეხვედრა სამი დღის განმავლობაში.
შესაბამისად, ცხადია, ჩვენ ვემზადებით რუსული პარტიის დასამარცხებლად. ამისთვის გამოვიყენებთ ყველა შესაძლებლობას, კანონით მონიჭებულ ყველა შესაძლებლობას, რათა ვიბრძოლოთ ბიძინა ივანიშვილის რუსული რეჟიმის წინააღმდეგ და ქართველი ხალხის გასამარჯვებლად.
დღევანდელი შეხვედრაც, რომელიც სამი დღის განმავლობაში გაგრძელდება, ემსახურება ერთადერთ რამეს, ,,ნაციონალური მოძრაობა – გამარჯვების კოალიციამ’’ კამპანია წარმართოს ისე, რომ საბოლოო ჯამში გაიმარჯვოს ქართველმა ხალხმა’’ , – განაცხადა ლევან ხაბეიშვილმა.
ავტორი
მარიამ ხაჩირაშვილი
