“ახლა საუბარი, რომ “ერთ დარბაზში და სივრცეში ოკუპანტთან ყოფნა არ შეიძლება” არის აბსოლუტური ფარისევლობა” – შალვა პაპუაშვილი

საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარს აკეთებს ჩრდილოეთ მაკედონიის დედაქალაქ სკოპიეში, ეუთოს სამიტზე, საქართველოს საგარეო საქმეთა მინისტრის, ილია დარჩიაშვილის დასწრებასთან დაკავშირებით:

,,2010 წელს სამიტში მონაწილეობას იღებდნენ მიხეილ სააკაშვილი და გრიგოლ ვაშაძე, მაშინ საგარეო საქმეთა მინისტრი. იმ პირობებში, როდესაც ომიდან 2 წელი იყო გასული და ასტანის სამიტში იღებდნენ მონაწილეობას, სადაც მონაწილეობას იღებდა არა მხოლოდ ლავროვი, არამედ, ვლადიმერ პუტინიც. ასე, რომ ახლა საუბარი ,,ერთ დარბაზში და სივრცეში ოკუპანტთან ყოფნა არ შეიძლება” არის აბსოლუტური ფარისევლობა.

ჩვენ ყველა ფორმატს ვიყენებთ იმისთვის, რომ საქართველოს ეროვნული ინტერესები წარმოვადგინოთ. საქართველოს ეროვნული ინტერესი არის უპირველეს ყოვლისა არაღიარების პოლიტიკის მხარდაჭერა სხვა ქვეყნების მხრიდან და საქართველოს დეოკუპაცია. ეს არის მთავარი საკითხი, რომელიც, რა თქმა უნდა, უსაფრთხოების თემების დროს განიხილება“,  -განაცხადა შალვა პაპუაშვილმა.

ავტორი
მარიამ ხაჩირაშვილი