“ვინც ქართველს მოკლავს თუ გაიტაცებს, უნდა იცოდეს, რომ პასუხს აგებს, დაუსჯელი არ დარჩება” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს
ოთხოზორია-ტატუნაშვილის რეზოლუციასთან დაკავშირებით:

,,იმისთვის, რომ ეს ტრაგედიები არ განმეორდეს და ჩვენ არ გვიწევდეს მორიგ ჯერზე სამძიმრების თქმა, ყველა დამნაშავე, ვინც ქართველს მოკლავს თუ გაიტაცებს, უნდა იცოდეს, რომ პასუხს აგებს, დაუსჯელი არ დარჩება – ეს არის ძალიან მნიშვნელოვანი!

ამიტომ, აუცილებელია ოთხოზორია-ტატუნაშვილის სიას დაემატოს, რა თქმა უნდა, ახლა მომხდარი გინტურის მკვლელობის საქმე და იდენტიფიცირდეს, ის მკვლელები, რუსები, ოკუპანტები, აგრესორები, რომლებმაც არაადამიანურად, ლოცვის გამო, მოგვიკლეს ქართველი ადამიანი“, – განაცხადა პაატა მანჯგალაძემ.

ავტორი
მარიამ ხაჩირაშვილი