,,მთავარი არხის” დამფუძნებელი, იუსტიციისა და განათლების ყოფილი მინისტრი ნიკა გვარამია ,,ამერიკის ხმასთან” ინტერვიუში საუბრობს მისი პატიმრობის პერიოდთან დაკავშირებით და ასევე, ხაზს უსვამს, თუ რა არის ქვეყანაში არსებული პრობლემების მთავარი მიზეზი:
,,პატიმრობა – ეს არ არის საუკეთესო გამოცდილება, მაგრამ არც მომაკვდინებელია. როდესაც შენ იცი, რომ პოლიტიკური პატიმარი ხარ, მართალი ხარ, ეს მოპყრობა შენ მიმართ უსამართლოა და იცი, რომ შენ არ ხარ დამნაშავე, ეს ძალიან გეხმარება.
დაინტერესებულნი იყვნენ, როგორ გაეჩუმებინათ, უპირველესად, ჩემი არხი და გავეჩუმებინე პერსონალურად მე.
სინამდვილეში, ეს ასევე, გამოწვეული იყო იმით, რომ დაეხშოთ შესაძლებლობა, ვგულისხმობ საბოტაჟს, მიგვეღო ევროკავშირის კანდიდატის სტატუსი. საქართველოში არსებული პრობლემები მხოლოდ ცუდი ხელისუფლება არაა. ეს არის რუსეთის მიერ მხარდაჭერილი ავტორიტარიზმი. ეს არის ყველაზე მთავარი საკითხი, რომელიც უნდა გავიაზროთ საქართველოს კონტექსტში.
მედიასთან დაკავშირებული პრობლემები, ეს მხოლოდ მედიას, პოლიტიკურ პატიმრებს არ უკავშირდება, ეს არის დემოკრატიის უკუსვლა“, – განაცხადა ნიკა გვარამიამ.
ავტორი
ნინი ხიჯაკაძე
