“აუცილებელი გახდა, რომ საზოგადოებას თავისი თვალით ენახა ის, რაც არის რეალობა და სინამდვილე” – მიხეილ სარჯველაძე ოთარ ფარცხალაძის გამოკითხვაზე

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე ჟურნალისტებთან კომენტარს აკეთებს ოთარ ფარცხალაძის სუს-ში გამოკითვაზე მისვლის კადრების გასაჯაროვებასა და ოპოზიციის დაინტერესებაზე ყოფილი მთავარი პროკურორის საქმესთან დაკავშირებით:

,,რეალურად აუცილებელი გახდა, რომ საზოგადოებას თავისი თვალით ენახა ის, რაც არის რეალობა და სინამდვილე.

უბრალოდ, რა არის იცით – მე მეჩვენება, რომ ხანდახან მაინც უნდა დავსვათ საკითხი ამგვარად, რომ ოპოზიცია როდესაც ახდენს მცდარი ფაქტების ტირაჟირებას, არასწორი ფაქტების შესახებ როდესაც საუბრობს დამაჯერებლად – ვითომც სინამდვილეზე და მერე, რომ აღმოჩნდება ხოლმე ეს მტკნარი ტყუილი, აი ამაზე, ალბათ, ბუნებრივია, საზოგადოებას რეაგირება უნდა ჰქონდეს.

რეაგირებაში ვგულისხმობ იმას, რომ ეს პირდაპირპროპორციულად უნდა აკნინებდეს, რა თქმა უნდა, იმ ოპოზიციონერთა განცხადებების დამაჯერებლობას, რომლებიც შემჩნეულები იქნებიან ასეთი გარემოებების, სინამდვილესთან შეუსაბამო ფაქტების ტირაჟირებაში’’, – განაცხადა მიხეილ სარჯველაძემ.

ავტორი
მარიამ ხაჩირაშვილი