საქართველოს გეოპოლიტიკურ როლსა და ადგილთან დაკავშირებით ისტორიულ ფაქტებს მიმოიხილავს ბიზნესის ადმინისტრირების დოქტორი, ეკონომიკის ექსპერტი ზურაბ მაღრაძე:
“წუხს ქართველი კაცი, ქვეყანას მოკავშირე არა ჰყავსო, ისე როგორც სხვა ქვეყნებს ჰყავთო. უკრაინას ბრიტანეთი და ევროკავშირი ჰყავს გვერდით, ისრაელს – ამერიკა, აზერბაიჯანს – თურქეთი და ა.შ.
არადა, ისეთი მოკავშირე ჰყავს ამ დიდებულ ქვეყანას, სხვები ვერც ინატრებდნენ.
შავი ზღვაა საქართველოს ყველაზე დიდი მოკავშირე და ყველაზე დიდებული დამცველიც. სწორედ შავი ზღვა აიძულებს ევროპასაც, აზიასაც, არაბეთსაც და ამერიკასაც საქართველოს უსაფრთხოების წესრიგს.
შავი ზღვა გველაპარაკება, რადგან მხოლოდ მან იცის და მეტი არავინ, თუ როგორ დაიწყო ადამიანმა ნაოსნობა პირველად კოლხეთში. გველაპარაკება მაგრამ მისი ენა აქ არავის ესმის.
დედამიწაზე პირველი ვაჭრები ფინიკიელები იყვნენ. მერე იყვნენ გენუელი ვაჭრები და ყველა ესენი შავი ზღვით უკავშირდებოდნენ დანარჩენ მსოფლიოს.
ილონ მასკმა სულ რომ ციფრული ტექნოლოგიებით დათვალოს ზღვაში ქვიშა და ცაში ვარსკვლავები, შავი ზღვის მწვანე და ბოჭკოვან სადენებს გვერდს ვერ აუვლის.
კარგად უწყიან დიდი ოლიგარქები, რომ შავი ზღვის ქვეყნების აუზში პირველი მყარი ვალუტაც კოლხეთიდან მოდის. ეგ იყო მაშინდელი მსოფლიო ბანკიც და მაშინდელი სავალუტო ფონდიც.
შავი ზღვა გვიცავს უკვე სამი ათასი წელია. შავ ზღვის ფიქრებს წაკითხვა უნდა“, – წერს ფეისბუქის პირად გვერდზე ზურაბ მაღრაძე.
