“შეკრებისა და მანიფესტაციების კანონში” შეტანილ ცვლილებებს, ასევე პარლამენტის მიერ მიღებულ რიგ კანონებს, მწვავე ემოციური შეფასებებით და კონკრეტული მოწოდებებით, კლინიკა “ვივამედიდან” ეხმაურება მიხეილ სააკაშვილი:
“სპეციალურად დაგეგმეს “საკონსტიტუციოს” სპექტაკლი ბათუმში, რათა თბილისში პარალელურად კონვეიერზე დააყენონ და მიიღონ იანუკოვიჩის სტილის ანტისაპროტესტო კანონები.
ვერ გაიტანეს პუტინის კანონი, მაგრამ გააქვთ იანუკოვიჩის კანონები, თუმცა ამჯერად, როგორც ჩანს, ოპოზიცია ვერ უხსნის ხალხს, რომ ის რასაც ახლა იღებენ ისეთივე მავნეა, როგორც “უცხოელი აგენტების” კანონი.
ასევე ელექტრონული ხმის მიცემის ივანიშვილისეული სისტემა ზუსტად იმეორებს პუტინის რუსული ელექტრონული არჩევნების სისტემას – ის, ფაქტობრივად, აუქმებს არჩევნებს, ამიტომაც მომავალი წლის ოქტომბრამდე ხელებჩამოშვებული მოცდა, საბოლოოდ გაანადგურებს ქართულ სახელმწიფოს“, – აცხადებს მიხეილ სააკაშვილი.
