საქართველოს მთავრობის მეტაური, ირაკლი ღარიბაშვილი ესპანეთის ქალაქ გრანადაში იმყოფება, სადაც ევროპის პოლიტიკური გაერთიანების რიგით მესამე სამიტში იღებს მონაწილეობას. პრემიერ-მინისტრმა, შეხვედრის პარალელურად, პირველი კომენტარი გააკეთა ჟურნალისტებთან და ქვეყნის წინაშე მდგარ გეოპოლიტიკურ გამოწვევებზე ისაუბრა:
,,ჩვენ მართლაც სპეციფიკურ მდგომარეობაში ვიმყოფებით. ეს ჩვენმა კოლეგებმაც ძალიან კარგად იციან, რომ ჩვენი ქვეყნის 20% არის ოკუპირებული. ამ მხრივ ჩვენ განვსხვავდებით სხვა ქვეყნების მდგომარეობისგან. ჩვენ არ გვაქვს არც NATO-ს ქოლგა, ასე ვთქვათ, არავითარი უსაფრთხოების გარანტიები ქვეყნას არ გააჩნია. არ ვართ არც ევროკავშირის წევრი ქვეყანა.
შესაბამისად, ჩვენ ქვეყანას უწევს საკმაოდ გონივრულად მანევრირება ამ ურთულეს გეოპოლიტიკურ ვითარებაში, რომელიც სავსე არის აი ამ ტურბულენტობით.
ვფიქრობ, რომ ჩვენ მოვახერხეთ მას შემდეგ, რაც ეს ომი დაიწყო უკრაიანაში, საკმაოდ გონივრულად, ასე ვთქვათ, მანევირირება, მე ასე ვიტყოდი.
რაც მთავარია, ერთი მხრივ, ჩვენი ქვეყნის ეროვნულ ინტერესებს, უსაფრთხოებას მტკიცედ ვიცავთ; მეორე მხრივ, კოორდინაციაში ვართ ჩვენს საერთაშორისო თანამეგობრობასთან, მხარს ვუჭერთ უკრაინას და უკრაინელ ხალხს.
ვფიქრობ, რომ ჩვენი მთავარი საზრუნავი ახლა უნდა იყოს შემდგომი ნაბიჯის მიღება, რაც არის კანდიდატის სტატუსის მინიჭება“, – განაცხადა ირაკლი ღარიბაშვილმა.
ავტორი
ნინი ხიჯაკაძე
