“მადლობა ჩემს წარმომადგენლებს, რომლებმაც უპრეცედენტო სასამართლო პროცესზე გაუძლეს ყველანაირ ფსიქოლოგიურ, მორალურ ზეწოლასა და შეურაცხყოფას” – სალომე ზურაბიშვილი

საკონსტიტუციო სასამართლო, საპარლამენტო უმრავლესობის მიერ წარდგენილ, პრეზიდენტის იმპიჩმენტის საქმეს განიხილავს. პროცესს არ ესწრება პრეზიდენტი, სალომე ზურაბიშვილი. მის ინტერესს საკონსტიტუციო სასამართლოს ყოფილი მოსამართლე მაია კოპალეიშვილი და “ქართული ოცნების” ყოფილი დეპუტატი თამარ ჩუგოშვილი იცავენ. მიმდინარე განხილვას, ქვეყნის მე-5 პრეზიდენტი, სოციალური ქსელის მეშვეობით ეხმიანება და მის წარმომადგენლებს მადლობას უხდის:

“მადლობა ჩემს წარმომადგენლებს, რომლებმაც უპრეცედენტო სასამართლო პროცესზე გაუძლეს ყველანაირ ფსიქოლოგიურ, მორალურ ზეწოლასა და შეურაცხყოფას როგორც ჩემი, ასევე მათი მისამართით და აბსურდული ბრალდებებისა და არარსებული მტკიცებულებების პირობებში ღირსეულად დაიცვეს პრეზიდენტის ინსტიტუტი“, – აცხადებს სალომე ზურაბიშვილი.