პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური ჟურნალისტებთან კომენტარს აკეთებს ლავროვის განცხადებასთან დაკავშირებით:
,,ჩემთვის არანაირად საინტერესო არ არის რას იტყვის ლავროვი და რას არა! იმიტომ, რომ ლავროვის პოზიცია და ოკუპანტი რუსეთის პოზიცია სრულიად ნათელია ჩვენს ქვეყანასთან მიმართებაში. შესაბამისად, მე საერთოდ არ მაინტერესებს! თქვენც გირჩევთ, რომ ნაკლებად დაინტერესდეთ’’, – განაცხადა ალუდა ღუდუშაურმა.
ინფორმაციისთვის რუსეთის საგარეო საქმეთა მინისტრმა, სერგეი ლავროვმა განცხადება გააკეთა:
,,როდესაც დავინახეთ, რომ თბილისის ამჟამინდელი ხელისუფლება დაინტერესებულია ურთიერთობის ნორმალიზებით, თუნდაც უბრალოდ ადამიანების ინტერესებით, რომლებსაც სურთ ერთმანეთთან ურთიერთობა, ერთმანეთთან სტუმრობა, ბიზნესის კეთება, ჩვენ შევთანხმდით ბატონ ღარიბაშვილის მთავრობასთან ფრენების განახლებაზე და სავიზო რეჟიმის გაუქმებაზე, ვინაიდან რუსეთის მოქალაქეებისთვის უვიზო რეჟიმი უკვე საკმაოდ დიდი ხანია არსებობდა, მაგრამ ახლა, ორმხრივობის საფუძველზე, საქართველოს მოქალაქეებისთვის უვიზო რეჟიმის შემოღება და საჰაერო კომუნიკაციების დამყარება, რა თქმა უნდა, ჩვენს ურთიერთობას ბევრად კომფორტულს ხდის. იზდება ფრენების რაოდენობა, ფართოვდება პირდაპირი ფრენების გეოგრაფიაც, იზრდება სავაჭრო ბრუნვა. აქ დიდი პოპულარობით სარგებლობს ბევრი ქართული ტრადიციული საექსპორტო პროდუქტი: ღვინო, ბორჯომი და მრავალი სხვა’’, – განაცხადა სერგეი ლავროვმა.
ავტორი
მარიამ ხაჩირაშვილი
