საქართველოს პრეზიდენტი, სალომე ზურაბიშვილი, მის წინააღმდეგ წარმოებულ იმპიჩმენტის პროცედურასთან დაკავშირებით, ოპოზიციონერ ლიდერებთან შეხვედრებს აგრძელებს. თემასთან დაკავშირებით ჟურნალისტებთან კომენტარი გააკეთა ,,ერთიანი ნაციონალური მოძრაობის” ყოფილმა თავმჯდომარემ, ნიკა მელიამ:
,,ქვეყანაში შექმნილია უმძიმესი ვითარება, ყველა თვალსაზრისით – პოლიტიკური, გეოპოლოტიკური, ეკონომიკური, სოციალური. ამ ყველა მიმართულების თაობაზე, რა თქმა უნდა, მე ვისურვებდი მასთან საუბარს. გუშინ, მისგან მივიღე მოწვევა და დავთანხმდი, ბუნებრივია“, – აღნიშნა ნიკა მელიამ.
ოპოზიციონერმა ლიდერმა შეფასება გააკეთა ასევე იმასთან დაკავშირებით, რომ არაფერია გამორიცხული და შესაძლოა ვინმემ, ოპოზიციიდან, ხმას მისცემს პრეზიდენტის იმპიჩმენტს, რასაც ბიძინა ივანიშვილს უკავშირებს:
,,აი, ეს უკვე ნიშნავს, ოლიგარქიულ რეჟიმს, სადაც იცი, რომ პარლამენტში არის ოპოზიციური და სახელისუფლებო წარმომადგენლობა უმრავლესობის სახით, მაგრამ რწმენა იმისა, რომ ოპოზიცია, ყველას არ ეხება, რა თქმა უნდა, დადგება თავის სიმაღლეზე, საზოგადოებაში არ არსებობს. ისინი ითვალისწინებენ გასული წლების პრაქტიკას.
თუმცა, მე პრაქტიკულად გამოვრიცხავ, რომ მსგავსი რამ მოხდეს. აქ ხომ, ერთ და ორ ხმაზე არ არის საუბარი.
თუმცა, იქ, სადაც ბიძინა ივანიშვილს მიტაცებული აქვს ხელისუფლება და მძიმე ოლიგარქიული რეჟიმია დამყარებული, არაფერი არ არის გამორიცხული. სწორედ ეს არის შესაცვლელი ქვეყანაში“, – განაცხადა ნიკა მელიამ.
ავტორი
ნინი ხიჯაკაძე
