“რუსი ლიდერები, ვისაც არ უნდა შეხვდნენ, რაც არ უნდა მოიმოქმედონ, არაფერს სამართლებრივი ძალა არ ექნება” – გიორგი ცაგარეიშვილი

რუსეთის ყოფილმა პრეზიდენტმა, ამჟამად უშიშროების საბჭოს თავმჯდომარის მოადგილემ, დიმიტრი მედვედევმა ოკუპირებული აფხაზეთისა და სამხრეთ ოსეთის შესახებ გაკეთებული სკანდალური განცხადების შემდეგ, ამ რეგიონების საოკუპაციო რეჟიმის ხელმძღვანელები მოსკოვში დაიბარა. აღნიშნულ შეხვედრასთან დაკავშირებით პოლიტიკური შეფასება გააკეთა პარლამენტის ფრაქცია ,,ქართული ოცნების” თავმჯდომარის მოადგილემ, გიორგი ცაგარეიშვილმა და ყურადღება გაამახვილა ხელისუფლების მიერ გატარებულ პრაგმატულ პოლიტიკაზე:

,,გვიცავს თანამიმდევრული პოლიტიკა, რომელსაც ახორციელებს უკანასკნელი 10 წლის მანძილზე ეს ხელისუფლება, რომელიც არც ერთი წამით არ ურიგდება სეპარატიზმს და ანექსიას.

რუსი ლიდერები, ვისაც არ უნდა შეხვდნენ, რაც არ უნდა მოიმოქმედონ მათ, არაფერს სამართლებრივი ძალა, ამ საკითხთან დაკავშირებით, არ ექნება“, – განაცხადა გიორგი ცაგარეიშვილმა.

ავტორი
ნინი ხიჯაკაძე