პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარის მოადგილე, გიორგი ბოტკოველი პარტიის ოფისში გამართულ საგანგებო ბრიფინგზე ინიციატივით გამოდის, რომ უხვი ნალექისგან დაზიანებული ვენახის გამო დაზარალებული გლეხებისთვის თანხის ანაზღაურება მოხდეს სუბსიდირების პროექტიდან:
,,კონკრეტულ გლეხს, თუ შარშან ჩაბარებული ჰქონდა 5 ტონა ყურძენი და წელს მთლიანად განადგურებულია მისი მოსავალი, სწორედ ამ 5 ტონის შესაბამისი – 20 თეთრი, რომელიც გამოყოფილია სუბსიდირებისთვის, მოხდეს ამის კომპენსირება. რაც რეალურად აი, ამ გასაცოდავებული ადამიანისთვის შეადგენს, თუნდაც, 1000 ლარს.
ეს თანხა დაეხმარება ამ გლეხებს იმისთვის, რომ გაისტუმრონ აღებული ვალი“, – განაცხადა გიორგი ბოტკოველმა.
ავტორი
ნინი ხიჯაკაძე
