„სტრატეგია აღმაშენებლის“ ლიდერმა, გიორგი ვაშაძემ ბათუმში განვითარებული მოვლენები შეაფასა და აღნიშნა, რომ „უტანკო“ ანექსიას წინ ივანიშვილ-კობახიძე-ღარიბაშვილი მიუძღვება:
„ბათუმში ბოლო დღეების მანძილზე რაც ხდება, ეს არის ბრძოლა ქართული გენის, დამოუკიდებელი, თავისუფალი, პატრიოტი ქართველების ბრძოლა ოკუპანტების წინააღმდეგ. 23 დაკავებულიდან 23-ივე არის ქართველი პატრიოტი და გმირი, რომელიც წინააღმდეგობას უწევს რუსულ „უტანკო“ ანექსიას. მაგრამ ყველაზე მძიმე არის ის, რომ ამ ანექსიას წინ მოუძღვის ხელისუფლებაში მყოფი პოლიტიკური დაჯგუფება ივანიშვილ-კობახიძე-ღარიბაშვილების სახით. ისინი არიან ჩვენი ქვეყნის მოღალატეები, ხოლო ის ადამიანები, ვინც დღეს აპროტესტებდა რუსული გემის შემოსვლას, არიან პატრიოტები და მათთან ერთად აუცილებლად გავიმარჯვებთ და რუსული ჩექმა არ იქნება საქართველოში. ვერასდროს დააჩოქებენ საქართველოს, სწორედ ამიტომ შევქმენით „გამარჯვების პლატფორმა“ და აი, ეს არის ჩვენი მომავალი!” – აღნიშნა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
