,,მთავარი არხის” დამფუძნებელი, ნიკა გვარამია სტრასბურგში ევროპარლამენტარებთან შეხვედრებს მართავს. ვიზიტთან და ქვეყანაში არსებულ რეალობასთან დაკავშირებით, ,,მთავარი არხის” ჟურნალისტთან, ემოციურ კომენტარს აკეთებს ნიკა გვარამიას მეუღლე, სოფო ლილუაშვილი, რომელიც ასევე ესწრება აღნიშნულ შეხვედრებს:
,,სულ ცოტა ხნის წინ მარტო დავდიოდი ასეთ შეხვედრებზე. ვსაუბრობდი ნიკაზე, ქვეყნის პრობლემებზე და ახლა უკვე ნიკა თავისუფალია. ძალიან სასიხარულო ამბავია არა მხოლოდ ჩვენთვის, აღმოჩნდა, რომ ევროპარლამენტარებისთვისაც.
ნიკა თავისუფალია, მაგრამ სამწუხაროდ, ის პრობლემები, რომლებიც ჩვენს ქვეყანაშია, არსად არ წასულა.
ჩემი აზრით, ნიკას გათავისუფლებით ამ პრობლემების გადაჭრის შანსი გაიზარდა და მგონია, რომ სწორედ ამიტომ ციხიდან ახალგამოსულზე მოიწვიეს ევროპარლამენტარებმა, რომ მოისმინონ არა მხოლოდ ის ნიკასგან, რა ხდებოდა აქამდე, არამედ ის, მისი აზრით, თუ როგორ შეიძლება ამ პრობლემების მოგვარება და გადაჭრა“, – განაცხადა სოფო ლილუაშვილმა.
ავტორი
ნინი ხიჯაკაძე
