საქართველოს ახალგაზრდული ნაკრების შემადგენლობაში, U21 ევროპის ჩემპიონატში, მონაწილეობა არ მიუღია წარმატებულ, პოპულარულ ქართველ ფეხბურთელს, ხვიჩა კვარაცხელიას, რის გამოც ფეხბურთის კონკრეტული გულშემატკივრების მხრიდან უკმაყოფილება გამოითქვა. აღნიშნულთან დაკავშირებით თავისი პოზიცია დააფიქსირა მედიამენეჯერმა ნიკა გვარამიამ:
“ძლივს და როგორც იქნა, არ იცანცარა ქართველმა, გონივრულად, რაციონალურად და გაწონასწორებულად მიუდგა საკითხს და ეგრევე მარხავს ნახევარი საქართველო.
რატომ უნდა ეთამაშა მსოფლიო ვარსკვლავ კვარაცხელიას ახალგაზრდულ ნაკრებში?! კაცის ერთადერთი შემჩერებელი ტრავმაა და რაც ნაკლებს ითამაშებს, მით – უკეთესი. მით უმეტეს, მეორე ეშელონის შეჯიბრებში, როგორსაც წარმოადგენს U21 ევროპის ჩემპიონატი – გინდა ასე შეხედე, გინდა ისე“, – წერს ფეისბუქის პირად გვერდზე ნიკა გვარამია.
