ფრაქცია ,,ერთიანი ნაციონალური მოძრაობა – ძალა ერთობაშიას” წევრი, ანა წითლიძე პარლამენტში განცხადებას აკეთებს სკოლებში ბავშთა კვების სისტემასთან დაკავშირებით. ოპოზიციონერი ლიდერი აცხადებს, აღნიშნულთან დაკავშირებით ანგარიშს წარუდგენენ განათლებისა და მეცნიერების სამინისტროს და საქართველოს პარლამენტის განათლებისა და მეცნიერების კომიტეტს:
,,მინდა წარმოგიდგინოთ საპარლამენტო ანგარიში, რომელიც მომზადდა ,,UNDP”-თან ერთად და ჩართული იყო არაერთი განათლების ექსპერტი თუ დარგზე მომუშავე მაღალკვალიფიციური სპეციალისტი. ეს ანგარიში არის გაწერილი პროგრამა და ეხება უფასო კვების დანერგვას საჯარო სკოლებში.
ამავე თემასთან დაკავშირებით, ჩვენ საქართველოს პარლამენტში ინტერპელაციის წესით დავიბარებთ განათლების და მენიერების სამინისტროს. ჩვენ გარდა იმისა, რომ კითხვები გვექნება ინტერპელაციის წესით დაბარებულ მინისტრთან – რას აკეთებს ამ თემაზე, ასევე წარვუდგენთ და გადავცემთ ჩვენს მიერ შემუშავებულ ანგარშს და პროგრამას უფასო კვებასთან დაკავშირებით, სადაც დეტალურად არის დაწერილი, როგორ უნდა მოხდეს უფასო კვების დანერგვა საჯარო სკოლებში; რა დაუჯდება ეს საქართველოს ბიუჯეტს; როგორ უნდა მოახერხოს სახელმწიფომ მისი ადმინისტრირება.
ჩვენ, ასევე, ვთავაზობთ ყველაზე ოპტიმალურ ვარიანტს უფასო კვების – ეს არის ე.წ. ,,lunch” box-ები სკოლის მოსწავლეებისთვის, რომელიც სახელმწიფოს თითო ბავშვზე დაუჯდება 2.50 ლარი. ჯამში ეს პროგრამა ჯდება 200 მლნ-ზე მეტი.
თუმცა, იმის გათვალისწინებით, რომ ჯერ კიდევ 2023 წლის ბიუჯეტში საქართველოს პრემიერ-მინისტრის ინიციატივით შინაგან საქმეთა სამინისტროს და სახელმწიფო უსაფრთხოების სამსახურის დაფინანსება გაიზარდა 180 მლნ ლარით, იმ შემთხვევაში თუ სახელმწიფო პრიორიტეტებს სწორად გაანაწილებს, ამ თანხების მოპოვება და უფასო კვების დაფინანსება შესაძლებელია არსებული ბიუჯეტის გათვალისწინებით”, – განაცხადა ანა წითლიძემ.
ავტორი
ნინი ხიჯაკაძე
