საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით ჟურნალისტებთან კომენტარს აკეთებს კლინიკა ,,ვივამედის“ კლინიკური დირექტორი ზურაბ ჩხაიძე:
,,პაციენტის ჯანმრთელობის მდგომარეობა არის სტაბილური. ამ ბოლო პერიოდში განსაკუთრებული ცვლილება დინამიკაში არ მომხდარა. პაციენტი იმყოფება, ძირითადად მაინც, სიმპტომურ მკურნალობაზე.
[სააკაშვილის საკვლევი მასალა] გაიგზავნა გერმანიის ერთ-ერთ ლაბორატორიაში და იქედან მივიღეთ შესაბამისი დასკვნა, რომ მეტალების შემცველობა სისხლში არის ნორმის ქვემოთ.
მოდით, წონაზე და ა.შ. ნუ გავამახვილებთ ყურადღებას.
[ჟურნალისტი] კონსილიუმის წევრები საუბრობენ იმაზე, რომ მიხეილ სააკაშილისთვის კრიტიკულ წონას წარმოადგენს 53 კილოგრამი…
– ჩვენი თვითმიზანი არ არის წონის ყოველდღიური კონტროლი“, – განაცხადა ზურაბ ჩხაიძემ.
ავტორი
ნინი ხიჯაკაძე
