“ჩვენი გადასაწყვეტია რა გვინდა – მურუსიძე გვინდა, ივანიშვილის კლანი გვინდა თუ ევროპა და ამერიკა?” – პაატა მანჯგალაძე

,,სტრატეგია აღმაშენებლის” გენერალური მდივანი, საქართველოს პარლამენტის წევრი პაატა მანჯგალაძე, ,,მთავარი არხის” ჟურნალისტთან კომენტარში პოლიტიკურ შეფასებას აკეთებს აშშ-ს მხრიდან საქართველოს 4 მოსამართლის მიმართ მიღებულ გადაწყვეტილებასთან დაკავშირებით:

,,ეს არ არის ჩარევა საქართველოს შიდა საქმეში. ამერიკამ თქვა მარტივი რამ – თუ ხდება ის, რომ საჯარო უფლება-მოსილებებს იყენებ კერძო მიზნებისთვის, შენ ვერ შემოხვალ ამერიკაში.

ამერიკისთვის ეს მიუღებელია – კორუფცია, არაფორმალური მმართველობა, კლანი მიუღებელია. ეს გვითხრა. გინდათ ამერიკა? – მაშინ ისწავლეთ შესაბამისი ცხოვრება. თუ რუსული ჭაობი გინდათ გყავდეთ მურუსიძე, ივანიშვილი. ამას გვეუბნებიან.

არავინ არ ერევა ჩვენ შიდა საქმეში. ჩვენი გადასაწყვეტია ეს, რა გვინდა! მურუსიძე გვინდა, ივანიშვილის კლანი გვინდა თუ ევროპა და ამერიკა. მარტივი საკითხია. ეს მარტო 4 მოსამართლის საკითხი არ არის. ეს კლანზე, სისტემაზეა საუბარი, კორუფციაზე“, – განაცხადა პაატა მანჯგალაძემ.

ავტორი
ნინი ხიჯაკაძე