“რესპუბლიკური პარტიის” ეროვნული კომიტეტის წევრი დავით ბერძენიშვილი თავის პოზიციას აფიქსირებს პოლიტიკურ პრიორიტეტებთან დაკავშირებით:
“12 პუნქტის შესასრულებლად ამ უგვანი ხელისუფლებისთვის ხელის გადაგრეხვის დრო მოვიდა. შინ და გარეთ ენერგია საკმარისია ამისთვის. ყველა რეალური, თანამედროვე პოლიტიკური ჯგუფი ოპოზიციაში ამ აზრზეა.
ქართველ პოლიტიკოსობაზე ვისაც შერჩენილი აქვს პრეტენზია, მათგან პოლიტიკური მიმომხილველობის, ვადამდელის მორიგი, დამაზარალებელი და დახავსებული მიდგომების, ფუჭი გასროლის და განახლებულ ფსევდოერთობაში საკუთარი ადგილის და ინტერესის ყალბი ილუზიის დრო მართლაც რომ, არ არის“, – წერს ფეისბუქის პირად გვერდზე დავით ბერძენიშვილი.
