ვახო სანაია: “გადაგივლით!” – ესაა რეჟიმის ოფიციალური პასუხი. პირდაპირ ამ სიტყვით – “გადაგივლით!”

ტელეკომპანია ფორმულას ჟურნალისტი, ვახო სანაია, საპარლამანტო უმრავლესობის წევრის, დიტო სამხარაძის მიერ სოციალურ ქსელში გამოქვეყნებულ პოსტს ეხმაურება

“გადაგივლით!” – ესაა რეჟიმის ოფიციალური პასუხი. პირდაპირ ამ სიტყვით – “გადაგივლით!“

მინდა, მივმართო ქუჩაში გამოსულ მოსწავლეებსა და სტუდენტებს. ეს სქრინი განსაკუთრებით ყურადღებით წაიკითხეთ. შეიძლება, თქვენ აქამდე არ იცოდით, პირისპირ არ შეჯახებიხართ, ვერ წარმოგედგინათ, რა ბოროტებასთან გაქვთ საქმე. ესაა პასუხი, რასაც გეუბნებათ ივანიშვილი.

თქვენ, რომელთაც არც წყლის ჭავლის შეგეშინდათ, არც ხელკეტის, არც ცრემლმდენი გაზის, არც რობოკოპების. პირდაპირ თქვენ მოგმართავთ რუსი ოლიგარქი. თქვენ გეუბნებათ, რომ მისი უნდა გეშინოდეთ. გეუბნებათ, რომ არ გაპატიებთ და დაგსჯით. მინდა, ზუსტად იცოდეთ, ამ ხროვის ხელში საქართველოში თქვენ მომავალი უბრალოდ არა გაქვთ.

თქვენ დღეს სატანისტები გიწოდეს. შეურაცხყოფა მოგაყენეს, რომ საკუთარი აზრი არ გაგაჩნიათ. დაგამცირეს და გითხრეს, რომ ვიღაც თავის ჭკუაზე გატარებთ.

თქვენ დღეს დაგიანონსეს, რომ მოგარჯულებენ და მოგდრეკენ.

თქვენ გაგაფრთხილეს, რომ შეეგუოთ რუსეთში ცხოვრებას, დიქტატურაში ცხოვრებას, სადაც ბერას საძმაკაცო შეყვარებულის თვალწინ გაგლახავთ კლუბში და მათ უნდათ, ძალა არ გქონდეთ მათ წინააღმდეგ. პირიქით, ისევ თქვენ დაგიჭერენ. თქვენ დღეს გაგაფრთხილეს – ისეთ ქვეყანაში გაცხოვრებენ, სადაც სოციალურ ქსელში სტატუსისა ან ფოტოს გამო ბერა გამოგიგზავნით რომელიმე ანზორს და მშობლების თანდასწრებით დაგამცირებენ. მათ ასე წარმოუდგენიათ.

თქვენ დღეს გასაგებად გითხრეს, ან წახვალთ ამ ქვეყნიდან ან იცხოვრებთ ისე, როგორც ამას ამ სტატუსის არარაობა ავტორი და მისი რუსი უფროსი გიბრძანებენ.

ჩვენ, თქვენზე ასაკით ცოტა თუ ბევრად უფროსები, ამას ვებრძვით, ვზარალდებით, თავი გვაქვს გადადებული ამ ქვეყნის გადასარჩენად, მაგრამ უთქვენოდ არაფერი გამოვა.

თქვენ ჩვენი იმედი ხართ – ამიტომ გაგვიხარდა ასე ძალიან თქვენი დანახვა რუსთაველზე. თქვენი სილაღე და შეუპოვრობა.

დავინახეთ, რა მაგრები ხართ. დავინახეთ, რომ ვერასდროს ვერავინ მოგიგებთ და შეგაშინებთ.

რაც ამ სქრინში წერია, ზუსტად ესაა რუსეთი, რომლის წინააღმდეგაც გამოხვედით ქუჩაში. თქვენ უკვე ცხოვრობთ რუსეთში და თანდათან სულ უფრო ცხადად დაინახავთ ამას.

ყველაფერი თქვენზეა დამოკიდებული. უთქვენოდ არაფერი გამოვა.

ყურადღებით გაეცანით ამ სქრინს – სწორედ თქვენ მოგმართავენ, აბა, ჩვენ, შედარებით უფროსები, მის შინაარსს ისედაც ვიცნობთ, თან პრაქტიკული თვალსაზრისით – თვალების დათხრით, დათვის ტყვიებით, ლექსოს მკვლელობით, დევნით, დაჭერით, შეურაცხყოფით, მუქარით და მილიონი რამით. ახლა ჩვენ ყველას (თქვენ, ჩვენ – ეს დაყოფა არც არსებობს ) ანუ მთლიანად საქართველოს, როგორც სახელმწიფოს, სრული განადგურებით გვემუქრებიან ეს რუსები.

სახე უნდა ავახიოთ ამ ფარჩაკებს. ამათ ვინ უნდა შეაშინონ ამ ჩმორებმა. 2 დღეში თავზე გადავახიეთ რუსული კანონი. ხომ ნახეთ, როგორი რიხით იმუქრებოდნენ და მერე როგორ კოლექტიურად ალოკეს თავიანთი გადაფურთხებული!” – წერს ფეისბუქის პირად გვერდზე ვახო სანაია.

დიტო სამხარაძის პოსტი სოციალურ ქსელში – “სქრინი”