“პირველი ინსტანციაში პენიტენციური სამსახური დაბეჯითებით ამტკიცებდა, რომ არანაირი გონების კარგვის ეპიზოდები სააკაშვილს არ ჰქონია” – შალვა ხაჭაურიძე

საქართველოს მე-3 პრეზიდენტის გონების კარგვის ეპიზოდებზე კომენტარს აკეთებს ადვოკატი შალვა ხაჭაურიძე. მისი განცხადებით, გავრცელებული ვიდეო მასალა არის მნიშვნელოვანი მტკიცებულება და სასამართლოს მოსთხოვენ, რომ დაერთოს უშუალოდ შუამდგომლობას:

,,პირველი ინსტანციაში პენიტენციური სამსახური დაბეჯითებით ამტკიცებდა, რომ არანაირი გონების კარგვის ეპიზოდები სააკაშვილს არ ჰქონია, იგი არის კარგად და ა.შ.

თუმცა, იმ გავრცელებულმა კადრებმა, ნათლად გვაჩვენა, რომ გონების კარგვის იმაზე მეტი ეპიზოდი იყო, ვიდრე ჩვენ ეს განვაცხადეთ სასამართლოში. ვინაიდან თავად სააკაშვილსაც კი არ ახსოვდა ბევრი გონების კარგვის ეპიზოდი და არც ავადმყოფობის ისტორიაში არ იყო აღწერილი. თუმცა, ვიდეო მასალაზე ეს ნათლად და ცალსახად გამოჩნდა.

ბუნებრივია, ეს მნიშვნელოვანი მტკიცებულებაა. ამიტომ ამის დართვას ჩვენ ვთხოვთ სასამართლოს. ჯერ დავურთავთ უშუალოდ შუამდგომლობას, შემდეგ – სასამართლოში დავაყენებთ შუამდგომლობას“, – განაცხადა შალვა ხაჭაურიძემ.

ავტორი
ნინი ხიჯაკაძე