„მერაბიშვილის გამოჩენას მივესალმები, ეს მმართველი პარტიისთვის კარგია“, – თბილისის მერმა, კახა კალაძემ ვანო მერაბიშვილის პოლიტიკაში გამოჩენის შესახებ, ჟურნალისტების მიერ დასმულ შეკითხვას უპასუხა.
მისი თქმით, მმართველი გუნდისთვის სანატრელია ოპოზიციაში ლევან ხაბეიშვილისა და ვანო მერაბიშვილის მსგავსი ადამიანების არსებობა.
„მერაბიშვილის გამოჩენას მივესალმები. ეს არის დიდი საჩუქარი მმართველი გუნდისთვის.
ისეთი ადამიანები, როგორებიც არიან მერაბიშვილი, ხაბეიშვილი, ჩვენთვის მხოლოდ კარგია.
ნებისმიერი პოლიტიკოსი და მმართველი პარტია თუ ინატრებდა, ოპოზიციაში იყვნენ ისეთი ადამიანები, როგორებიც არიან მერაბიშვილი, ხაბეიშვილი.
ეს შესრულებულია და სასიამოვნოა“, – განაცხადა კახა კალაძემ.
ინფორმაციას თბილისის მერიის პრესსამსახური ავრცელებს
