“ყოველი ცილისწამებისას უნდა იცოდეს კობახიძემ, რომ ცხვირში მოხვდება სტრასბურგის გადაწყვეტილება” – გიგი უგულავა

ოპოზიციონერი ლიდერის, გიგი უგულავას საქმე ევროსასამართლოში განიხილება და აღნიშნულ საკითხთან დაკავშირებით თბილისის ყოფილი მერი ,,ქართული ოცნების” თავმჯდომარეს ირაკლი კობახიძეს მიმართავს:

,,წყალწაღებულის მიერ ხავსზე მოჭიდებაა, რომ ეხლა, აი, იმაში გვცნო, ამაში არ გვცნო, რაშიც დამნაშავე და რაშიც დარღვევა ცნო – ის ითვლება. ამ შემთხვევაში მე-5 მუხლის დარღვევაა ცალსახად დადგენილი.

სამართლებრივი სიბრიყვეა კოლექტიური კობახიძის მხრიდან საუბარი იმაზე, რა მოვიგეთ. მთავარი არის, რომ მათ წააგე. იმიტომ, რომ მათი სასამართლო არის კლანი და პოლიტიკური დაკვეთების შემსრულებელი.

ყოველი ცილისწამებისას უნდა იცოდეს კობახიძემ, რომ ცხვირში მოხვდება სტრასბურგის გადაწყვეტილება, დიუსელდორფის პროფესორს.

ნათქვამია, სამართალი ურმით დადის და საერთაშორისო სამართლი კიდევ უფრო ურმით დადის, მაგრამ ზუსტია და სამართლიანი”, – განაცხადა გიგი უგულავამ

ინფორმაციისთვის: ადამიანის უფლებათა ევროპულმა სასამართლომ ოპოზიციონერი ლიდერის, გიგი უგულავას საქმეზე გარკვეული სახის დარღვევა დაადგინა. ევროსასამართლომ მიიჩნია, რომ გიგი უგულავას წინააღმდეგ ევროკონვენციის მე-5 მუხლის პირველი და მესამე პუნქტები დაირღვა.

ავტორი
ნინი ხიჯაკაძე