პარტია ,,ქართული ოცნების“ თავმჯდომარე ირაკლი კობახიძე პოლიტიკურ შეფასებას ახდენს ,,ერთიანი ნაციონალური მოძრაობის“ მიერ გავრცელებულ განცხადებასთან დაკავშირებით, რომ პარტია წყვეტს საპარლამენტო საქმიანობას:
,,გუშინ თქვეს, რომ წყვეტდნენ საპარლამენტო მუშაობას – ასე იყო სიტყვასიტყვით ნათქვამი. დღეს უკან დაიხიეს და დაენანათ, როგორც ჩანს, საპარლამენტო მანდატები.
საბოლოო ჯამში, ეს მათი გადასაწყვეტია. მათ, არც დარბაზში ყოფნით და არც დარბაზის გარეთ, არ შეუძლიათ რაიმე წვლილის შეტანა ქვეყნისთვის სასიკეთო საქმეებში.
აქედან გამომდინარე, რაიმე არსებითი მნიშვნელობა ჩვენთვის არ აქვს ,,ნაციონალური მოძრაობა“ სად იქნება. იქნება პარლამენტს გარეთ – ბოიკოტში, პარლამენტში თუ სად…
ჩვენ გვაქვს ჩვენი დღის წესრიგი და ამ დღის წესრიგით გავაგრძელებთ, რა თქმა უნდა, მოქმედებას“, – განაცხადა ირაკლი კობახიძემ.
ავტორი
ნინი ხიჯაკაძე
