საქართველოს მე-3 პრეზიდენტის გადამწყვეტი სასამართლოს შედეგის მოლოდინში ,,ერთიანმა ნაციონალურმა მოძრაობამ“ საქალაქო სასამართლოსთან აქცია გამართა. მიხეილ სააკაშვილის საკითხზე კი ჟურნალისტებტთნ მწვავე კომენტარი გააკეთა ოპოზიციონერმა ლიდერმა გიგი უგულავამ:
,,საქართველოში არის ერთადერთი საკითხი – ეს არის მიხეილ სააკაშვილის გათავისუფლება – დაუყოვნებლივ, სწრაფად, რომ საქართველოში არ მოხდეს ფატალური უბედურება, რომელიც გულუბრყვილოდ შეიძლება ვინმეს ჰგონია, რომ მხოლოდ ,,ნაციონალური მოძრაობის’’ და მისი ამომრჩევლების პრობლემაა.
სინამდვილეში ტყვეობაში და ციხეში მომაკვდავი მიხეილ სააკაშვილი არის ამ ქვეყნის, მისი ისტორიის და მომავლის პრობლემა.
ვინც ამას ვერ გრძნობს ის ან შეგნებული მატყუარაა, ან უბრალოდ არ იცნობს ამ ქვეყნის ისტორიას“, – განაცხადა გიგი უგულავამ.
ავტორი
ნინი ხიჯაკაძე
