“სტრატეგია აღმაშენებლის” პოლიტიკური საბჭოს წევრი, ლაშა დიაროვი მთავრობის ადმინისტრაციის ყოფილი ხელმძღვანელის, შს მინისტრის ყოფილი მოადგილის, პარტია „საქართველოსთვის“ თავმჯდომარის მოადგილის, ნათია მეზვრიშვილის მიერ, გიორგი ვაშაძესთან მიმართებაში, დაფიქსირებულ პოზიციას ეხმაურება:
“ძალიან მნიშვნელოვანი რამ მინდა დავწერო:
დღეს, 12 საათზე უამრავი განსხვავებული ადამიანი შევიკრიბეთ პირველ სკოლასთან და დავაანონსეთ 24 თებერვლის აქცია!
გავერთიანდით პოლიტიკური პარტიები, აქტივისტები, ცნობილი სახეები: აკია ბარბაქაძე, ლელა ჯეჯელავა, დათო ქაცარავა, გია ბუღაძე, კოტე ყუბანეიშვილი, ირაკლი ტაბლიაშვილი, პირველი პარლამენტის დეპუტატები და სხვა უამრავი საინტერესო პიროვნება. ერთი სიტყვით, 24 თებერვალს დიდი აქცია გვექნება და ეს განგრძობად პროტესტში გადაიზრდება.
ამ ძალიან მნიშვნელოვან პროცესს, ქოცებისგან გუშინწინ წამოსულმა ნეოქოცმა ნათია მეზვრიშვილმა სამარცხვინო პოსტი მიუძღვნა და გიორგი ვაშაძე ქოცებთან თანამშრომლობაში დაადანაშაულა. გესმით მეგობრებო? ქოცი მინისტრის, გიორგი გახარიას მარჯვენა ხელმა ვაშაძე ქოცობაში დაადანაშაულა, ამაზე დიდი მარაზმი გინახავთ?
ნათია მეზვრიშვილმა და მისმა მინისტრმა გახარიამ უკვე აგეს პასუხი იმაზე, რაც ჩაიდინეს? არ მახსენდება.
20 ივნისს დათვის ტყვიები გვესროლეს ახალგაზრდებს, ჩემს მეგობრებს თვალები დასთხარეს და სასტიკად დაგვარბიეს, დღეს ეს ხალხი ქოცობაში გვადანაშაულებს და იცით ეს რისი ბრალია? ეს იმის ბრალია, რომ აი ამ ნაძირლებს თავის სახელს არ ვარქმევთ და საჯაროდ არ ვახსენებთ იმას, რაც ჩაიდინეს!
სწორედ გიორგი გახარია და მისი გუნდი არიან პასუხისმგებელნი 20 ივნისის დარბევაზე და ბავშვებისთვის თვალების დათხრაზე!
ეს მავნებელი ნეოქოცი საერთოდ რომ ბედავს ხმის ამოღებას, ეგ ჩვენი სირცხვილია!
ივანიშვილიც და მისი მინისტრი გახარიაც აუცილებლად მშობლიურ რუსეთში უნდა გავამგზავროთ რაც შეიძლება მალე!
24 თებერვალს ყველას გელით პარლამენტთან აქციაზე! დიდება საქართველოს! დიდება უკრაინას!” – წერს ფეისბუქის პირად გვერდზე ლაშა დიაროვი.
