“ახლა მიპასუხეთ ვინაა მკვლელი თუ არა ხელისუფლება და პირადად კალაძე?” – შალვა ნათელაშვილი თბილისში მომხდარ ტრაგედიას ეხმაურება

თბილისში მომხდარ ტრაგედიას ეხმაურება “ლეიბორისტული პარტიის” ლიდერი შალვა ნათელაშვილი და მწვავე შეფასებებს აკეთებს დედაქალაქის მერის, კახა კალაძის მიმართ:

“სამწუხაროდ ქალაქის მაფიოზა მერის ავტოგოლისტ კახი კალაძის გაუმაძღრობას – ახლახან, ვაკის საცურაო აუზში ბავშვის სიკვდილის შემდეგ – დღეს უკვე ლიფტში ორი ახალაზრდის სიცოცხლე შეეწირა.

საკმარისი იყო ერთი წელი მაინც არ ეყიდა მერიას ჯიპები და ავსტრალიური ძროხის ტყავით დამზადებული ავეჯი, მთელი სალიფტე მეურნეობა განახლდებოდა და ამ ახალგაზრდების სიცოცხლე არ დამთავრდებოდა.

ახლა მიპასუხეთ ვინაა მკვლელი თუ არა ხელისუფლება და პირადად კალაძე?

სასწრაფოდ! ყველა ლიფტი გადავიდეს სახელმწიფო საკუთრებაში, დამთავრდეს იქ ფასიანობა, ფულაობა და კერძოობა. ასევე დაუყოვნებლივ გამოიცვალოს ყველა ლიფტი საიმედო აპარატურით, ხოლო კალაძე მოცილდეს დედაქალაქის მართვას“, – წერს ფეისბუქის პირად გვერდზე შალვა ნათელაშვილი.