“შეიძლება დადგეს ჯანმრთელობის შეუქცევადი დაზიანება ამიტომ მნიშვნელოვანია, რომ შეწყვიტოს შიმშილობა” – შალვა პაპუაშვილი ანა წითლიძეზე

პარლამენტის თავმდჯომარემ შალვა პაპუაშვილმა შიმშილობის მე-12 დღეს ფრაქცია ,,ერთიანი ნაციონალური მოძრაობა – ძალა ერთობაშიას“ წევრი ანა წითლიძე მოინახულა. პარლამენტის თავმჯდომარე ,,ენმ“-ს წევრებს მოუწოდებს, რომ ძალისხმევა მოახდინონ, რათა ოპოზიციონერმა დეპუტატმა შეწყვიტოს შიმშილობა, რადგან წითლიძის ჯანმრთელობის მდგომარეობა უკვე კრიტიკულ ზღვარზეა:

,,მნიშვნელოვანი არის, რომ მისმა თანაგუნდელებმაც მოუწოდონ და სთხოვონ, რომ შეწყვიტოს შიმშილობა.

მე ვესაუბრე, ასევე, ექიმებს და მდგომარეობა უკვე იმ ეტაპზეა მისული, რომ შეიძლება ამის იქით დადგეს ჯანმრთელობის შეუქცევადი დაზიანება ამიტომ მნიშვნელოვანია, რომ შეწყვიტოს შიმშილობა.

მოთხოვნას რაც შეეხება – ამ საკითხს წყვეტს სასამართლო. ამიტომ სრულად სასამართლოს კომპეტენცია არის, რომ განიხილოს პროცესის ფარგლებში საკითხები და ისე გადაწყვიტოს. ულტიმატუმის წაყენება სასამართლოსთვის არ არის ის ფორმა, რომლითაც სამართლებრივ სახელმწიფოში უნდა ხდებოდეს საკითხების გადაწყვეტა.

მთავარი ამ კუთხით არის მისი ჯანმრთელობა, მათ შორის, რომ მისი ჯანმრთელობა შეუქცევადად არ დაზიანდეს. ამიტომ მე, განსაკუთრებით, მივმართავ მის თანაგუნდელებს, რომ მას მოუწოდონ – შეწყვიტოს შიმშილობა.

ჩვენ ვნახეთ, რომ რამდენიმე დეპუტატმა დაიწყო, თავდაპირველად. ყველამ, გარდა ანისა, შეწყვიტა შიმშილობა. მოვუწოდობ, კიდევ ერთხელ, მის თანაგუნდელებს, რომ ამ საკითხზე იზრუნონ განსაკუთრებით ახლა“, – განაცხადა შალვა პაპუაშვილმა.

ავტორი
ნინი ხიჯაკაძე