პარტია ,,ქართული ოცნების“ თავმჯდომარე მწვავე, კრიტიკულ შეფასებებს აკეთებს ევროპარლამენტის რეზოლუციაში მიხეილ სააკაშვილთან მიმართებაში გაკეთებულ ჩანაწერთან დაკავშირებით, მას “ჩალის ფასის” სტატუსს აძლევს და ამის საპასუხოდ იუსტიციის სამინისტროს მხრიდან მე-3 პრეზიდენტზე გავრცელებულ კადრებზე აკეთებს აქცენტს:
,,ამ რეზოლუციას აქვს ჩალის ფასი, ჩალას არანაირი გადაფარვა არ სჭირდება – ეს ერთი. მეორე, – როდესაც იუსტიციის სამინისტრო კადრებს ასაჯაროებს, წარსულშიც ასე იყო და ახლაც ასეა როგორც მარტივად შეგვიძლია გავაანალიზოთ, რომ ეს არის პასუხი ,,ფეიკ“-კამპანიაზე, რომელიც წარმოებდა 400 დღის განმავლობაში და დღემდე გრძელდება ,,ნაცმოძრაობის მხრიდან“ იმის შესახებ, რომ 400 დღის განმავლობაში ყოველდღიურად კვდება მიხეილ სააკაშვილი.
ეს იყო პასუხი ამაზე, რა შუაშია აქ რეზოლუცია, რომელსაც აქვს ჩალის ფასი?! ჩალას სიმძმე ვერ ექნება! ჩალას წონა ვერ ექნება – ვერც ასე, ვერც ისე. ჩალა, როგორც არ უნდა შეფუთო, მას წონა ვერ ექნება“, – განაცხადა ირაკლი კობახიძემ.
ავტორი
ნინი ხიჯაკაძე
