“ტოქსიკოლოგის დასკვნაში წერია, რომ თუ კიდევ რამე ეშველა, სრულად მისი განკურნება მაინც ვერ წარმომიდგენიაო” – გიული ალასანია

საქართველოს მე-3 პრეზიდენტის ჯანმრთელობის მძიმე მდგომარეობასა და სასამართლოს გადაწყვეტილებაზე მოლოდინების შესახებ ჟურნალისტებთან კომენტარს აკეთებს მიხეილ სააკაშვილის დედა გიული ალასანია:

,,ისევ იგივე მდგომარეობა არის. დაბალი სიცხით იწყება ხოლმე დილა, როგორც წესი. სიცხე მაინც არის, მაგრამ დაბალი. ეს დღეებია აქვს დაბალი წნევა. დანარჩენი სისუსტე ჩვეულებრივ, სრული უმადობა, სრული მიუღებლობა.

ძალიან მნიშვნელოვანია ტემპი, სისწრაფე. გამომდინარე ამის ჯანმრთელობიდან არის. იმიტომ, რომ ტოქსიკოლოგის დასკვნაში წერია, რომ თუ კიდევ რამე ეშველა, სრულად მისი განკურნება მაინც ვერ წარმომიდგენიაო – ადამიანი ამბობს, მაგრამ თუ დარჩა კიდევ რაღაც რესურსი, რაღაცა დონემდე მაინც აღადგინონ. ამაზეა ლაპარაკი.

ისევ სურპრიზებს თუ უნდა ველოდოთ, არ ვიცი… ვნახოთ! მე იმედი მაქვს, რომ ეს სასამართლო არის და პროცესი გაიმართება.

მე ამის იმედი მაქვს, ამას ველოდები“, – განაცხადა გიული ალასანიამ.

ავტორი
ნინი ხიჯაკაძე