,,ერთიანი ნაციონალური მოძრაობის“ პოლიტიკური საბჭოს წევრმა, პარლამენტის დეპუტატმა ეკა ხერხეულიძემ, საქართველოს მე-3 პრეზიდენტი, კლინიკა ,,ვივამედში“ მოინახულა. ოპოზიციონერ ლიდერმა ჟურნალისტებთან საუბრის დროს გააჟღერა მიხეილ სააკაშვილის გზავნილები მისი გულშემატკივრების მიმართ:
,,მიხეილ სააკაშვილს სურს პოლიტიკისგან დისტანცირება და აუცილებელია ყველა, ვინც მას გულშემატკივრობს, უგულშემატკივროს მის ჯანმრთელობის მდგომარებას და სამკურნალოდ გაყვანას.
ნებისმიერი აქტივობა, რომელიც მოემსახურება მიხეილ სააკაშვილის პოლიტიკაში ჩართულობას, პოლიტიკასთან დაკავშირებას – ნებისმიერი ასეთი მცდელობა მიხეილ სააკაშვილისთვის არის მიუღებელი.
თუმცა, მე ყველგან მივალ, სადაც მიხეილ სააკაშვილის უფლებებს იცავენ. მაგრამ ახლა ვითარება არ გახლავს სტანდარტული.
ვგულშემატკივრობ მიხეილ სააკაშვილის გადარჩენას. ყველაფერს გავაკეთებ იმისდა მიხედვით, როგორც თავად მიაჩნია საკუთარი სიცოცხლის შენარჩუნებისთვის სწორ ქმედებად.
მე დარწმუნებული ვარ, იმ მდგომარეობის გათვალისწინებით, რომელიც გუშინ ჩვენ ყველამ ერთად გავიგეთ, განცხადება ამ ემოციების, წუხილის ფონზე გაკეთდა, რაც ყველას გვაქვს და მე არ ვიცი ლევანი სხვას რას ეყრდნობა, როცა ასეთ აქციას აანონსებს”, – განაცხადა ეკა ხერხეულიძემ.
ავტორი
ნინი ხიჯაკაძე
