ევროპაში განხორციელებული ვიზიტისა და პოლიტიკური პარტნიორების პოზიციების შესახებ, სპეციალურ ბრიფინგზე, ისაუბრა პარტია “ერთიანი ნაციონალური მოძრაობის” თავმჯდომარე, ნიკა მელიამ:
“მინდა გაგაცნოთ ჩემი ვიზიტის შედეგები და შევაფასო ჩვენი პარტნიორების პოზიციები საქართველოში მიმდინარე მოვლენებთან დაკავშირებით.
გუშინ ამერიკის შეერთებული შტატების ელჩმა – ქალბატონმა კელი დეგნანმა განაცხადა რომ რუსი ოლიგარქის დეპუტატების გამონათქვამები კრემლის სახელმძღვანელოდან გადმოღებულს ჰგავს.
მათ კრემლის სახელმძღვანელოდან გადმოღებული აქვთ არა მხოლოდ გამონათქვამები, არამედ მათი ყოველი ქმედება ნაკარნახევია სწორედ კრემლიდან და მათი ყოველი ნაბიჯი მიმართულია უკან, რუსულ, იმპერიულ წიაღში დასაბრუნებლად.
ბრიუსელში შეხვედრები მქონდა ევროპული საბჭოს პრეზიდენტ შარლ მიშელის წარმომადგენლებთან, საგარეო ქმედებათა სამსახურის აღმოსავლეთ პარტნიორობის დეპარტამენტის ხელმძღვანელთან, ევროკომისიის სამეზობლოსა და გაფართოების დეპარტამენტის ხელმძღვანელთან და ევროპარლამენტის ყველაზე დიდი ფრაქციების წარმომადგნელებთან.
ჩვენ ევროპელი მეგობრები სრულად იზიარებენ ჩვენს სწრაფვას დასავლეთისკენ და გვეხმარებიან, რომ ჩვენი ქვეყანა გახდეს ევროპული ოჯახის სრულფასოვანი წევრი.
ევროპელ მეგობრებს აქვთ ერთიანი, მკაფიო პოზიცია, რომ ხელისუფლება არ ასრულებს ევროკავშირის კანდიდატობის რეკომენდაციებს.
ლისაბონში ჩატარდა ყველაზე დიდი ევროპული პოლიტიკური გაერთიანების, “ევროპის სახალხო პარტიის” პოლიტიკური ასამბლეა, რომელმაც მიიღო რეზოლუცია, სადაც მკაფიოდ აღნიშნულია, რომ:
- საქართველოს ხელისუფლება უგულებელყოფს ევროკომისიის 12 რეკომენდაციას და აფერხებს საქართველოს ევროპულ პერსპექტივას;
- ხელისფლებამ უნდა შეწყვიტოს პოლიტიკური დევნა საქართველოში – მიხეილ სააკაშვილი უნდა გათავისუფლდეს და გადაყვანილ იქნას საზღვარგარეთ სამკურნალოდ, ხოლო ნიკა გვარამია უპირობოდ უნდა გათავისუფლდეს;
- რეზოლიციაში პირდაპირ აღნიშნულია, რომ სახელმწიფო მიტაცებულია და მტკიცედ დაფიქსირებულია ურყევი პოზიცია ოლიგარქ ივანიშვილის დასანქცირების აუცილებლობის შესახებ.
ამ ვიზიტის დროს ჩვენ კიდევ ერთხელ თალნათლივ დავინახეთ – ერთადერთი დაბრკოლება საქართველოს ევროინტეგრაციის გზაზე არის ბიძინა ივანიშვილი და მისი ხელისუფლება.
ამ აზრს ასევე იზიარებენ აშშ სენატში, სადაც ორი დღის წინ „საქართველოს უზარმაზარ უკუსვლად“ შეაფასეს პროცესები და საუბარი დაიწყეს საქართველოსთან მიმართებაში სტრატეგიის გადახედვის მიზაშეწონილობაზე.
“ერთიანი ნაციონალური მოძრაობის” სახელით ვაცხადებ, ჩვენი პოლიტიკური ძალის უმთავრესი პრიორიტეტი იყო არის და იქნება საქართველოს თავისუფალ სამყაროსთან ინტეგრაცია,
პრეზიდენტ სააკაშვილის თავისუფლება და მისი გადაყვანა დასავლურ სამედიცინო დაწესებულებაში.
ქყვენის დემოკრატიული განვითარება და მედიის თავისუფლება თავისუფლებისთვის ბრძოლა გრძელდება გამარჯვებამდე!” – აცხადებს ნიკა მელია.
