“ნიკა გვარამიას თუ ნებისმიერი სხვა ადამიანის პოლიტიკურ პატიმრად წარმოჩენის მცდელობა – ეს არის ქვეყნის დამაზიანებელი და აბსოლუტურად არამეგობრული განწყობა” – გივი მიქანაძე

საპარლამენტო უმრავლესობის წევრი გივი მიქანაძე ჟურნალისტებთან მწვავე კომენტარს აკეთებს ევროპარლამენტარებისა და ევროპის  პოლიტიკურ ჯგუფ “ალდეს” შეფასებებზე დაპატიმრებული კონკრეტული პირების განთავისუფლების საკითხთან დაკავშირებით:

,,აბსოლუტურად ალოგიკური არის ევროკავშირის კანდიდატის წევრობის დაკავშირება კრიმინალის განთავისუფლებასთან. ეს არის მიუღებელი და წარმოუდგენელი.

ეს არის სასამართლოს მიერ კონკრეტულ არგუმენტებზე დაფუძნებით მიღებულ გადაწყვეტილებაში კიდევ ერთი ჩარევის მცდელობა.

,,ALDE” იქნება თუ ნებისმიერ სხვა, მოსწონს ეს თუ არ მოსწონს, მათ პატივი უნდა სცენ და არ უნდა ისაუბრონ ულტიმატუმის ენით. მით უმეტეს, როდესაც საქართველო ზუსტად ორიენტირებული არის იმ ღირებულებებზე, რასაც ჰქვია კანონის უზენაესობა და ადამიანის უფლებები.

ნიკა გვარამიას თუ ნებისმიერი სხვა ადამიანის პოლიტიკურ პატიმრად წარმოჩენის მცდელობა – ეს არის ქვეყნის დამაზიანებელი და აბსოლუტურად არამეგობრული განწყობა მათი მხრიდან”, – განაცხადა გივი მიქანაძემ.

ავტორი
ნინი ხიჯაკაძე