პარტია ,,გირჩი – მეტი თავისუფლების“ ლიდერი კომენტარს აკეთებს დეოლიგარქიზაციის კანონთან დაკავშირებით, რომლის განხილვაც პარლამენტში იქნება:
,,ამ კანონთან მიმართებაში კონკრეტულად მათი [მმართველი პარტიის] პოზიცია არის, რომ ეს კანონი არის გადმოთარგმნილი უკრაინული ვერსიიდან. შესაბამისად, საქართველოსთვის შეუსაბამოა, რაზეც ,,ქართული ოცნებიდან“ გვითხრეს, რომ რატომ? უკრაინაში თუ იმუშავა?! – მერე ავუხსენით ჩვენ, რომ ეს არის მორგებული უკრაინულ რეალობაზე. შესაბამისად, ოლიგარქის განმარტება არის ის, რაც ჯდებოდა უკრაინული გაგებით ოლიგარქში. ამაზე გვითხრეს, რომ არა, მაინც ამას დავტოვებთო.
შემდეგ ბრიუსელიდან ,,ქართულ ოცნებას“ ურჩიეს, რომ მაშინ გადააგზავნეთ ვენეციის კომისიაში და დაველოდოთ ვენეციის კომისიის დასკვნასო. რაზეც იქიდან [მმართველი პარტიიდან] მივიღეთ, პრაქტიკულად აბუჩად ამგდები პასუხი, რომ უკრაინას უკვე გადაგზავნილი აქვს ეს კანონპროექტი ვენეციის კომისიაში და დადებითი პასუხი აქვთ მიღებული. ამიტომ არ შევცვლითო.
ბრიუსელი ამ კანონპროექტს უყურებს, როგორც არასერიოზულ დამოკიდებულებას მათ მიმართ“, – განაცხადა ზურაბ გირჩი ჯაფარიძემ.
ავტორი
ნინი ხიჯაკაძე
