მოლდოველი ოლიგარქის, პლაჰოტნიუკისთვის სანქციების დაწესებასთან დაკავშირებით ამერიკის შეერთებული შტატების სახელმწიფო მდივნის, ენტონი ბლინკენის განცხადება ვრცელდება. აღნიშნულთან დაკავშირებით ოპოზიციაში გაჩნდა ვარაუდები, რომ სანქციები შეიძლება საქართველოში პარტია ,,ქართული ოცნების” დამფუძნებელს, ბიძინა ივანიშვილსაც შესაძლოა შეეხოს, რასაც მწვავე შეფასებებით ეხმაურება საპარლამენტო უმრავლესობის წევრი ირაკლი ქადაგიშვილი:
,,ბიძინა ივანიშვილი საქართველოს მოქალაქეა!
ივანიშვილი რამით არის, ასე ვთქვათ, ღირსი დასანქცირების?! რახან რომან გოცირიძეს და ,,ნაციონალურ მოძრაობას” უნდა ეს – რამეს ნიშნავს?!
მთავარი არგუმენტი რა უნდა იყოს იცით? – არა სიტყვების ბრახა-ბრუხი ვისგანაც არ უნდა მოდიოდეს, არამედ კონკრეტული ფაქტები, კონკრეტული სამართლებრივი შეფასებები და არა ის, მე ესე მაწყობს და ესე გავაკეთებ.
თუ არ იქნება კონკრეტიკა, თუ არ იქნება ფაქტი, თუ არ იქნება სამართლებრივი დასაბუთება – ეს იქნება ყოველთვის ჩვენი ქვეყნის აბუჩად აგდება“, – განაცხადა ირაკლი ქადაგიშვილმა.
ავტორი
ნინი ხიჯაკაძე
