პარტია “ლელო საქართველოსთვის” ლიდერის, მამუკა ხაზარაძის მწვავე პოზიცია/მინიშნებები და მძიმე ირონია კახა კალაძესთან მიმართებაში:
“კახი, არ გადადგე!…
რა საჭიროა, უკვე ხომ დაიჭირეს ხალხი. დაბალი ღობე ხო გამოჩნდა… ეს შენ არ გეხება, შენ მარტო კარგი ამბები – ლენტის გაჭრა, ფეიერვერკები…
მეგონა საქართველოს ნაკრები გუნდის გამოყვანა მოედანზე რაღაცას ნიშნავდა, თურმე არაფერს. თუ შენს გუნდელებს დაიჭერენ, შენ ხომ გადარჩები.
არ გადადგე, სჯობს ბოლომდე ყველამ დაინახოს, განსაკუთრებით თბილისმა, როგორი თავკაცი არ უნდა ჰყავდეს ქალაქს!
შეიძლება ფიქრობ, რომ ამ ქალაქში ყველაფერი მოსულა. არა – გეშლება! ამ ქალაქში ყველაფერი არ მოსულა!
არ ვაპირებდი ამის დაწერას, მეგონა, რომ განიცდიდი – ეს ფოტო ბავშვთან რა იყო?! ლაზარეს რას ერჩოდი?!
არ გადადგე! იქნებ მიხვდეს ყველა როგორი თბილისი არ გვჭირდება.
ვახ, მაინც როგორ მეგონა, რომ გუნდის კაპიტნობა სხვა რამე იყო შენთვის…,” – წერს ფეისბუქის საკუთარ გვერდზე მამუკა ხაზარაძე.
