“ტერორისტულ სახელმწიფოდ გამოცხადებას სჭირდება შესაბამისი მტკიცებულებები” – ალუდა ღუდუშაური

უკრაინის ხელისუფლების მიერ წამოწყებულ პროცესს – რუსეთის გამოცხადებას ტერორისტულ სახელმწიფოდ, ქართული ოპოზიციიდან აქვს მხარდაჭერა. აღნიშნულთან დაკავშირებით, ჟურნალისტებთან კომენტარს აკეთებს საპარლამენტო უმრავლესობის წევრი ალუდა ღუდუშაური:

,,ტერორისტად გამოცხადებას, ტერორისტულ სახელმწიფოდ გამოცხადებას – ამას სჭირდება შესაბამისი მტკიცებულებები, რომელზეც უნდა თქვას არა კონკრეტული პარლამენტის წარმომადგენელმა, არა თქვენ ან ნებისმიერ სხვამ. უნდა თქვას საერთაშორისო სასამართლომ.

– მიესალმებოდით საერთაშორისო სასამართლოს გადაწყვეტილებას? [ჟურნალისტის შეკითხვა].

მე მივესალმები ობიექტურობას და კომპეტენტურობას!“, – განაცხადა ალუდა ღუდუშაურმა.

ავტორი
ნინი ხიჯაკაძე