საპარლამენტო უმრავლესობის წევრი ირაკლი ზარქუა პოლიტიკურ შეფასებებს აკეთებს და აცხადებს პარტია ,,ქართული ოცნების” დამფუძნებელი, ბიძინა ივანიშვილი ოლიგარქად ვერ ჩაითვლება, სამაგიეროდ საუბრობს ოპოზიციის დამფინანსებლებზე და მათ მიიჩნევს ოლიგარქებად:
,,კეზერაშვილი აფინანსებს რადიკალურ ოპოზიციას და დემოკრატიის შუქურად რომ არის წარმოდგენილი მათი მხრიდან, მასაც შეეხება და სხვა მდიდარ დამფინანსებლებსაც, რომლებსაც პოლიტიკაშიც აქვთ ერთი ხელი, მეორე ხელით ტელევიზიას აფინანსებენ – კლასიკურად ჯდებიან იმ ოლიგარქიის განმარტებაში.
ბატონი ივანიშვილი არასდროს ყოფილა ოლიგარქი! ის ყოველთვის იყო ქველმოქმედი, ის ყოველთვის იყო ჩვენი სახელმწიფოს მეგობარი.
რამდენიმე წლის წინ მან თქვა, რომ მე საჯაროდ ვემიჯნები პოლიტიკას, მათ შორის, ტელევიზიაც, რომელიც გააჩნდა და უფლება ჰქონდა, საერთოდ გადასცა და გააჩუქა.
ამიტომ აქ ნუ აურევთ ერთმანეთს და ნუ აბნევთ ხალხს!” – განაცხადა ირაკლი ზარქუა.
ავტორი
ნინი ხიჯაკაძე
