პარლამენტის დეპუტატი, ,,სტრატეგია აღმაშენებლის“ თავმჯდომარე გიორგი ვაშაძე პარლამენტში გამართულ საგანგებო ბრიფინგზე სკანდალურ განცხადებას აკეთებს ქვეყანაში მოქმედ რუსეთის აგენტებთან დაკავშირებით:
,,გუშინ პრორუსული პარტიის, ,,ქართული ოცნების“ თავმჯდომარის ირაკლი კობახიძის და მისი ოთხეულის მხრიდან, ჩვენ ფაქტობრივად მოვისმინეთ აღიარებითი ჩვენება – დაადასტურეს, რომ მათ ინტერესში არ შედის საქართველოსთვის თანამედროვე იარაღის მიწოდება. მათ აღიარეს და დაადასტურეს, რომ სწორედ რუსული ტანკები ეიმედებათ იმისთვის, რომ შეინარჩუნონ ხელისუფლება.
რაც ყველაზე საგანგაშოა მათ ისეთივე ლაჩარი და მხდალი ჰგონიათ ქართველი ერი, როგორიც თვითონ არიან და რასაც თავად აკეთებენ.
რუსეთი თავს ესხმის სუსტებს და არა ძლიერებს! საქართველოსთვის მშვიდობის გარანტი არის 3 რამ: HIMARS (ჰაიმარსები), პატრიოტები და ,,აბრაამსის ტანკები“. ამ შემთხვევაში რუსეთი ვერასდროს ვერ გაბედავს ჩვენზე თავდასხმას!
სწორედ ამას ეწინააღმდეგება ის რუსული რეზიდენტულ-აგენტურული ქსელი, რომელიც საქართველოშია.
და მთავარი სათქმელი – ჩვენი ინფორმაციით, დღეს საქართველოს პარლამენტში და უმაღლესი თანამდებობის პირებზე დაახლოებით არის 15 რუსეთის აგენტი-რეზიდენტი. მათ შორის არის ის ოთხეული, რომელიც ასე გავეშებულად გამოდის. ესენი პირდაპირ რუსეთთან მიბმული აგენტები არიან, მაგრამ რაც ყველაზე საგანგაშოა – მათ სათავეში დგას რუსეთის აგენტი ირაკლი კობახიძე“, – განაცხადა გიორგი ვაშაძემ.
ავტორი
ნინი ხიჯაკაძე
