რუსეთის მოქალაქეების საქართველოში შემოსვლასთან დაკავშირებით ქვეყანაში გაჩენილ აზრთასხვადასხვაობას ერთგვარი ბრალდებებით თუ პრევენციული განცხადებით ეხმაურება მმართველი პარტია. აღნიშნულთან მიმართებაში ჟურნალისტებთან კომენტარს აკეთებს სახალხო დამცველი ნინო ლომჯარია:
,,კიდევ ერთხელ ვიტყვი, რომ ქსენოფობია არის აბსოლუტურად მიუღებელი. მით უმეტეს აგრესია თუ ფიზიკური დაპირისპირება განსხვავებული წარმოშობის ადამიანების მიმართ. ასეთ თითოეულ შემთხვევას სახალხო დამცველი ყოველთვის ეხმიანებოდა და დაგმობს თუ კი ჩვენ დავინახავთ, რომ არსებობს ასეთი პრობლემა.
თუ კობახიძეს აქვს კონკრეტული ფაქტები, ნებისმიერ მოქალაქეს შეუძლია მიმართოს სახალხო დამცველს და ჩვენ შეგვიძლია შევისწავლოთ ეს საქმე. არცერთ არაპოპულარ თემაზე მსგავსი განცხადებების გაკეთება ჩვენ არასოდეს მოგვრიდებია. მე არ მაქვს ინფორმაცია, რომ არის ქსენოფობია.
თუმცა, 8 აგვისტო მოდის, არავის არ უნდა გაუკვირდეს ნეგატიური განწყობები.
ამ ქვეყანაში – იქ, სადაც 300 000-ზე მეტი დევნილი არის და ათასობით ადამიანი დაიღუპა რუსეთ-საქართველოს კონფლიქტების შედეგად, ბოლო ათწლეულების განმავლობაში, როდესაც დღეს რუსეთი არის აგრესორი ქვეყანა, თავს დაესხა სუვერენულ სახელმწიფოს უკრაინაში, ცოტა არ იყოს და მიკვირს, რატომ უკვირთ პოლიტიკოსებს მმართველი პარტიიდან, რომ შესალებელია საქართველოს მოქალაქეებს ჰქონდეთ ნეგატიური განწყობები რუსეთის ხელისუფლების და იმ მოქალქეების მიმართ, რომლებიც შეიძლება იბრძოდნენ ამ ქვეყნის წინააღმდეგ ან მომავალში, როდესაც მათი სახელმწიფო ან ხელისუფლება დაუძახებს – იბრძოლონ ამ ქვეყნის წინააღმდეგ!
ამიტომ ძალიან ბუნებრივია, რომ შეიძლება სიყვარული არ გამოხატოს მოქალაქეებმა. ბუნებრივია, უკმაყოფილება, მაგრამ ეს არ უნდა გადაიზარდოს არც ერთ შემთხვევაში უკანონო ფორმებში. სახალხო დამცველი გააკეთებს ყველაფერს იმისთვის, რომ თუ ასეთი საშიშროება დავინახეთ ჩვენ მოვახდენთ რეაგირებას“, – განაცხადა ნინო ლომჯარიამ.
ავტორი
ნინი ხიჯაკაძე
