პარლამენტის იურიდიულ საკითხთა კომიტეტის თავმჯდომარე ანრი ოხანაშვილი განცხადებას აკეთებს არასამთავრობო ორგანიზაციების მუშაობის პროცესთან დაკავშირებით. საპარალმენტო უმრავლესობის ლიდერი აღნიშნავს, რომ მესამე სექტორის მიმართ შეზღუდვების დაწესება არ დგას დღის წესრგიში:
,,თავდასხმა რამდენად არის, ეს ცალკე საკითხია. თუ კი ვინმე შეკითხვებს სვამს და ამბობს, რომ პოლიტიკა უნდა აკეთოს პოლიტიკაში მყოფმა ადამიანმა, სამოქალაქო სექტორმა უნდა შეასრულოს მათი ფუნქცია – ამ კუთხით საკითხების დასმა ვერ იქნება განხილული ვერავითარ თავდასხმად.
რაც შეეხება რაიმე შეზღუდვების დაწესებას – ასეთი საკითხი არ დგას დღის წესრიგში. რა თქმა უნდა, ჩვენ ვერ ვიმუშავებთ ისეთ კანონპროექტზე და არ მიმაჩნია სწორად ვიმუშაოთ ისეთ საკითხებზე, რომელიც ჩაერევა ვინმეს გამოხატვის თავისუფლებაში ისე, რომ ეს არ იყოს გამართლებული და ამას არ ექნება ლეგიტიმური მიზანი“, – განაცხადა ანრი ოხანაშვილმა.
ავტორი
ნინი ხიჯაკაძე
