,,ერთიანი ნაციონალური მოძრაობის“ პოლიტიკური საბჭოს წევრი, პარლამენტის დეპუტატი ლევან ხაბეიშვილი განცხადებას აკეთებს საქართველოში სანქცირებული ნავთობის შემოტანასთან დაკავშირებით. ოპოზიციონერი ლიდერი ასახელებს კონკრეტულ სამ კომპანიას და მოუწოდებს, რომ მათ საჯაროდ გააკეთონ განცხადება – უარი თქვან სანქცირებული ნავთობის შემოტანაზე:
,,პირველი – ,,ვისოლ ჯგუფი“, ვგულისხმობ სოსო ფხაკაძეს, ,,ქართული ოცნების“ და ბიძინა ივანიშვილის კარზე ლაქია ბიზნესმენს;
მეორე კომპანია, ეს არის ,,არაგვი იმპექსი“ და მე მაქვს ხელთ დოკუმენტაცია ვინ დგას ამ კომპანიის უკან – მამა-შვილი კაკაბაძეები, რუსეთის მოქალაქეები პეტერბურგში და დაახლოებული პირები მაღალი თანამდებობის პირებთან პუტინის კარზე;
მესამე – ცხადია ,,ლუკოილი“, რომელიც სხვა და სხვა თაღლითური გზებით დაატარებს საქართველოში სანქცირებულ ნავთობპროდუქტებს.
ჩვენ ვაძლევთ რამდენიმე დღეს ამ სამ კომპანიასაც. იმისთვის, რომ საჯაროდ გამოვიდნენ და თქვან, რომ შეეშვებიან სანქცირებული რუსული ნავთობის შემოტანას საქართველოში. დრო ჩართულია!
ამ კონკრეტულ კომპანიებს აქვთ დრო, რომ საჯაროდ გააკეთონ განცხადება. წინააღმდეგ შემთხვევაში ჩვენ პირადად ვუზრუნველყოფთ ყველა ამ დოკუმენტაციის გადაცემას აშშ-თვის, დიდი ბრიტანეთისთვის და ცხადია, უკრაინის მთავრობისთვის“, – განაცხადა ლევან ხაბეიშვილმა.
ავტორი
ნინი ხიჯაკაძე
